طارطوليت باللوز و بنكهة الحامض

المقادير:
للعجينة:

100غ زبدة لينة (من الأحسن زبدة العبار)
60غ سكر كلاصي
1 بيضة
1 لافاني
1 خمارةالحلوى
220غ دقيق الفورص + قبصة ملح
قشرة حامضة محكوكة
للحشوة:

100غ زبدة لينة
50غ سكر كلاصي
2 بيضات
1 لافاني
قشرة حامضة محكوكة
1 ملعقة كبيرة كونفتير المشماش
1 ملعقة كبيرة سميدة رقيقة
1 خمارة الحلوى
200غ لوز مطحون بقشرته
للتزيين:

الكونفتير المشماش
اللوز إفيلي


الطريقة:

نبدا بالعجينة نخلط الزبدة و السكر كلاصي و الفاني و قشرة الحامضة حتى نحصل على كريمة.نزيد البيضة و نخلط حتى ينسجم الخليط و في الأخير نزيد الطحين و الخميرة و المليحة و نخلط ...نعمل من العجين كويرات نغطيهم بالبلاستيك الغدائي و نخليهم فالثلاجة يرتاحو...

نوجد الحشوة ...فزلافة كبيرة نعمل الزبدة و الفاني و قشرة الحامضة و نخلط بالفورشيطة ..نزيد السكر كلاصي و نخلط باش تولي كريمة و نبدا نزيد البيض بوحدة بوحدة و أنا كنخلط حتى يتشرب خليط الزبدة البيضات بزوج

نزيد الكونفتير و السميدة و في الأخير اللوز و الخميرة و نخلط مزيان
ها الحشوة ديالنا واجدة
ناخد مولات الطارطوليت الصغار ندهنهم بالزبدة و نرشهم بالطحين

نطلق العجين على سطح مغطي بالبلاستيك الغدائي و مرشوش بالنشا
نقطع دوائر نلبس بيهم المولات بالشكل اللي مبين فالصورة
ندهن العجين بالكونفتير

و نعمل فكل طارطوليت معلقة صغيرة من حشوة اللوز
نرشهم من الفوق باللوز إفيلي
و ندخلهم للفرن يكون مسخن من قبل و نخليهم حتى يتحمرو
في الأخير ندهنهم بالنباج و نقدمهم بالصحة و الراحة