مسمن برستيج فخ

عجين المسمن برستيج


800 غ فورص- 200غ فينو- 2 م ص زيت رومية- 2 م ك سنيدة- شوية تالخميرة تالحلويات
تعجن مثل المسمن وتدلك جيدا ونعملها كويرات انا خرجت منها 4 أشكال
- مسمن على شكل بسطيلة تتسرحي الكورة وتطوى مثل المسمنة ونتركه ترتاح قليلا ثم تبسط شوية ونعمروها الحشوة.
- مسمن على شكل محنشة تسرح الكويرة مزيان وتقسم على 2 ونعمل الحشوة طويلة ونلويو على شكل محنشة
- مسمن على شكل مستطيل نسرحو الكويرة مزيان وتطوى مثل المسمنة ثم نعاودو نبسطوها على الطول ونضع الحشوة ونجمع الجوانب ونلوي غادي نحط ليكم الصورة.
-مسمن مربع نسرح المسمنة ونضع فرماج سندويشونلوي ونتركها ترتاح ونبسطها قليلا ونضع الحشوة ونجمع الجوانب ونسدو الزيتونة.
الحشوة الاولى:
- 2 بصلة نشلضوها وتشحر مع الزيت والزبدة وثومة غبرة و بصلة غبرة ثم نضيف فلفلة حمرة مقطعة مربعات ثم درس الثومة محكوك ونضع 300غ كفتة و1 م ك عطرية مكسيكية وملح وابزار وشوية الخميرة وتشحر الكل.
الحشوة الثانية: دجاج مبخرر ومفرتت وخديت مقلة درت فيها بوارو مشحر مع الزبدة وزدت الفرتيت ديال الكوكلي وزدت 1 م ك معدنوس مقطع و2 م ك صوص بيشاميل و 100 غ فرماج احمر محكوك و 4 جبن .